Тэкстыльная цацка на елку сваімі рукамі – шыем і любуемся!
Ідэя і выкананне: Таццяна Сіняўская @tatcianacheslavauna
Вам спатрэбяцца:
- тканіна (у мяне фарбаваны самастойна лён),
- ніткі мулінэ,
- пацеркі дыям. 5мм,
- ільняны матузок,
- палова палачкі цынамону.
Працэс
Робім выкрайку для ялінкі і выразаем 4 кавалкі тканіны – па 2 для кожнага боку ялінкі. Важна, каб верхавіна ялінкі ў выкрайцы была з вуглом 90 градусаў – гэта патрэбна, каб махра выбіралася роўна і проста, каб ялінка была страйнейшая. Сшываем паловы для кожнага боку, прасуем шоў.
Вышываем немудрагелісты малюначак – акурат ён закрые ўтвораны шоў.
Рыхтуем аснову з матузком і цынамонам, закладаем яе між 2-мя бакамі ялінкі. Сшываем вываратным бокам унутр.
Пасля з’яднання паловак між сабой выбіраем махру, у пакінутую загадзя дзірачку набіваем файбертэк, зашываем.
І усё. Нават шкада, што так хутка 🙂